ໃນຊ່ວງປາຍເດືອນພຶດສະພາ 2026 ນີ້ ໜຶ່ງໃນຄຳທີ່ຖືກເວົ້າເຖິງຫຼາຍທີ່ສຸດໃນວົງການໂຫລາສາດໄທ ຄົງໜີບໍ່ພົ້ນຄຳວ່າ “ດາວພະຫັດຍ້າຍ” ໂດຍສະເພາະການໂຄຈອນເຂົ້າສູ່ຕຳແໜ່ງ “ມະຫາອຸດ” ທີ່ນັກໂຫລາຫຼາຍສຳນັກມອງວ່າເປັນປາກົດການສຳຄັນ ທີ່ບໍ່ໄດ້ເກີດຂຶ້ນບ່ອຍ ຈົນຖືກເອີ້ນວ່າ “12 ປີມີເທື່ອໜຶ່ງ”
ສຳລັບຫຼາຍຄົນ ເລື່ອງດາວຍ້າຍອາດເປັນພຽງຄວາມເຊື່ອ ແຕ່ໃນອີກມຸມໜຶ່ງ ສາຍມູ ແລະ ຄົນທີ່ເຊື່ອເລື່ອງໂຊກລາບ ຮູ້ດີວ່າ ປາກົດການແບບນີ້ເປັນເໝືອນການເຄື່ອນໄຫວຂອງພະລັງງານດີໆ ເຂົ້າມາໃນຊີວິດ ໂດຍສະເພາະຄົນທີ່ຢາກມີມື້ໜຶ່ງທີ່ດວງເປີດ ມີໂຊກ ແລະ ມີໂອກາດດີໆເຂົ້າມາ ຫຼາຍຄົນເຊື່ອວ່າ ຈາກນີ້ໄປຊີວິດອາດຈະບໍ່ເໝືອນເກົ່າອີກ ແຕ່ການລົງມືເຮັດກໍຍັງສຳຄັນ ເມື່ອຟ້າເປີດທາງ ກໍເໝືອນມີແຮງຜັກດັນຈາກຂ້າງຫຼັງ ຄອຍຊ່ວຍໃຫ້ຊີວິດໄປຂ້າງໜ້າໄດ້ດີຂຶ້ນ
ໃນວັນທີ 31 ພຶດສະພາ 2026 ດາວພະຫັດຈະໂຄຈອນເຂົ້າສູ່ລາສີກະກົດ ຊຶ່ງຕາມຕຳລາໂຫລາສາດໄທ ຖືວ່າເປັນຕຳແໜ່ງ “ມະຫາອຸດ” ຫຼື ຈຸດທີ່ດາວພະຫັດມີພະລັງໂດດເດັ່ນເປັນພິເສດ ນອກຈາກນັ້ນ ຍັງກົງກັບວັນວິສາຂະບູຊາ ວັນສຳຄັນທາງສາສະໜາ ແລະ ຍັງກົງກັບວັນພະໃນວັນອາທິດອີກດ້ວຍ ນັກໂຫລາຫຼາຍສຳນັກຈຶ່ງເຫັນຕົງກັນວ່າ ຊ່ວງເວລານີ້ອາດເປັນຈຸດເລີ່ມຂອງສິ່ງໃໝ່ໆ ແລະ ການປ່ຽນແປງສຳຄັນໃນຊີວິດ
ໂດຍສະເພາະຄົນທີ່ຜ່ານມາດວງບໍ່ເຂົ້າຂ້າງ ຊີວິດມີແຕ່ອຸປະສັກ ຢູ່ໃນສະຖານະການກົດດັນ ມອງບໍ່ເຫັນທາງອອກ ຫຼື ຕິດຢູ່ໃນວົງຈອນບັນຫາເດີມໆ ການຍ້າຍຂອງດາວຄັ້ງນີ້ ອາດນຳພາການປ່ຽນແປງມາສູ່ເກືອບທຸກລາສີ ທຸລະກິດ ຫຼື ສິ່ງທີ່ເຄີຍເຮັດມາດົນ ອາດເຖິງເວລາປ່ຽນ ເພາະຖ້າບໍ່ປ່ຽນດ້ວຍຕົນເອງ ສະຖານະການກໍອາດບີບໃຫ້ຕ້ອງປ່ຽນ ເພື່ອເຂົ້າສູ່ “ຈັງຫວະໃໝ່” ຂອງຊີວິດ ບໍ່ວ່າຈະເປັນເລື່ອງວຽກງານ ການເງິນ ຄວາມສຳພັນ ຫຼື ໂອກາດສຳຄັນທີ່ອາດປ່ຽນຊີວິດໄດ້
ດາວພະຫັດແມ່ນຫຍັງ ແລະ ເປັນຫຍັງຄົນຈຶ່ງຈັບຕາ?
ໃນໂຫລາສາດໄທ ດາວພະຫັດຖືເປັນດາວແຫ່ງປັນຍາ ຄວາມຈະເລີນ ຄວາມສຳເລັດ ແລະ ການເຕີບໂຕ ມັກກ່ຽວຂ້ອງກັບ:
• ການເລີ່ມວຽກໃໝ່ ຫຼື ເສັ້ນທາງໃໝ່
• ໂອກາດໃໝ່ໆ
• ການເງິນທີ່ອາດປ່ຽນແປງ
• ຜູ້ໃຫຍ່ຄອຍສະໜັບສະໜູນ
• ການຂະຫຍາຍຕົວຂອງຊີວິດ ທີ່ຈະກາຍເປັນຮາກຖານຄວາມໝັ້ນຄົງໃນອະນາຄົດ
ເມື່ອດາວພະຫັດຍ້າຍລາສີ ກໍເໝືອນກັບ “ການປ່ຽນລະດູຂອງດວງຊະຕາ” ທີ່ອາດສົ່ງຜົນຕໍ່ພະລັງງານໂດຍລວມຂອງຜູ້ຄົນຈຳນວນຫຼາຍ ແລະ ການຍ້າຍຄັ້ງໃຫຍ່ນີ້ ຈະມາປ່ຽນດວງຂອງທັງ 12 ລາສີ ໃນຮອບ 12 ປີ
ໂດຍສະເພາະຄັ້ງນີ້ ພິເສດກວ່າທຸກຄັ້ງ ເພາະດາວພະຫັດເຂົ້າສູ່ຕຳແໜ່ງມະຫາອຸດ ຖືວ່າເປັນຊ່ວງທີ່ພະລັງຂອງດາວດວງນີ້ຈະຊັດເຈນກວ່າປົກກະຕິ ທັງໃນເລື່ອງໂອກາດ ຄວາມຫວັງ ແລະ ການເລີ່ມຕົ້ນໃໝ່
“ມະຫາອຸດ” ໝາຍເຖິງຫຍັງ?
ຄຳວ່າ “ມະຫາອຸດ” ໃນທາງໂຫລາສາດ ໝາຍເຖິງຕຳແໜ່ງທີ່ດາວມີພະລັງສູງສຸດ ເໝືອນຢູ່ໃນຈຸດທີ່ສາມາດສະແດງພະລັງໄດ້ເຕັມທີ່
ສຳລັບດາວພະຫັດ ການເຂົ້າສູ່ມະຫາອຸດ ຈຶ່ງຖືກຕີຄວາມວ່າກ່ຽວກັບ:
• ການເຕີບໂຕ
• ຄວາມໝັ້ນຄົງ
• ໂຊກລາບ
• ການສະໜັບສະໜູນຈາກຜູ້ໃຫຍ່
• ໂອກາດທີ່ເລີ່ມເປີດກວ້າງຂຶ້ນ
ຫຼາຍຄົນຈຶ່ງເຊື່ອວ່າ ຫຼັງຈາກວັນທີ 31 ພຶດສະພາເປັນຕົ້ນໄປ ອາດຈະເລີ່ມເຫັນການປ່ຽນແປງບາງຢ່າງໃນຊີວິດ ບໍ່ວ່າຈະເປັນໂອກາດໃໝ່ ວຽກໃໝ່ ຫຼື ນະວັດຕະກຳໃໝ່ໆທີ່ອາດປ່ຽນໂລກ ຈົນໂລກຫຼັງຈາກນີ້ຈະບໍ່ເໝືອນເກົ່າອີກຕໍ່ໄປ ຫຼື ອາດເປັນການຕັດສິນໃຈຄັ້ງສຳຄັນ ທີ່ກ່ອນໜ້ານີ້ຍັງບໍ່ກ້າລົງມືເຮັດ ຫຼື ຍັງມີຄວາມລັງເລໃຈ ຊີວິດເໝືອນບໍ່ຂະຫຍັບໄປໃສ ແຕ່ຈາກນີ້ໄປ ອິດທິພົນຂອງດາວພະຫັດ ຈະຜັກດັນເຈົ້າຊະຕາໃຫ້ກ້າວໄປຂ້າງໜ້າ ເໝືອນບົດທົດສອບໃຫຍ່ ທີ່ຢາກໃຫ້ຊີວິດເກີດຄວາມຈະເລີນ ໂດຍສະເພາະຄົນທີ່ເລີ່ມປ່ຽນແປງຕົນເອງ ແລະ ລົງມືເຮັດຢ່າງຈິງຈັງ
ຫຍັງຈຶ່ງມີຄົນເວົ້າເຖິງຄຳວ່າ “ຈັງຫວະຊີວິດໃໝ່” ຫຼາຍຂຶ້ນ?
ໃນຊ່ວງບໍ່ກີ່ປີຜ່ານມາ ຫຼາຍຄົນຕ້ອງເຜີຍໜ້າກັບຄວາມບໍ່ແນ່ນອນ ທັງໂລກລະບາດທີ່ບໍ່ເຄີຍເກີດ ວິກິດເສດຖະກິດໂລກ ສົງຄາມທີ່ບໍ່ຄວນເກີດ ຈົນເກືອບທຸກຊີວິດຕ້ອງປັ່ນປ່ວນກັບຄ່າຄອງຊີບ ຈາກສາເຫດຂອງລາຄານ້ຳມັນທີ່ແພງຂຶ້ນ ລວມໄປເຖິງການແຂ່ງຂັນໃນການເຮັດວຽກ ທີ່ມີ AI ເຂົ້າມາເປັນຕົວເລັ່ງສຳຄັນ ຈົນເຮັດໃຫ້ຫຼາຍຄົນຕົກວຽກ ຫຼື ຫາວຽກໄດ້ຍາກຂຶ້ນ ສິ່ງເຫຼົ່ານີ້ຈຶ່ງເຮັດໃຫ້ຜູ້ຄົນຈຳນວນຫຼາຍ ເລີ່ມມອງຫາ “ຊ່ວງປ່ຽນຜ່ານ”
ທີ່ຈະຊ່ວຍໃຫ້ຊີວິດກ້າວໄປຂ້າງໜ້າໄດ້ອີກຄັ້ງການຍ້າຍຂອງດາວພະຫັດໃນຄັ້ງນີ້ ຈຶ່ງຖືກເຊື່ອມໂຍງກັບແນວຄິດເລື່ອງ:
• ການຢາກເລີ່ມຕົ້ນໃໝ່
• ການປົດລັອກບາງຢ່າງໃນຊີວິດ
• ການກ້າຕັດສິນໃຈ ບໍ່ຢາກທົນກັບຊີວິດແບບເກົ່າໆ
• ການປ່ຽນແປງທີ່ລໍຖ້າມາດົນ
ບາງຄົນອາດເລີ່ມຮູ້ສຶກຢາກປ່ຽນວຽກ
ບາງຄົນອາດເລີ່ມມອງຫາໂອກາດສ້າງລາຍໄດ້ໃໝ່
ໃນຂະນະທີ່ບາງຄົນ ອາດເລີ່ມກັບມາມີແຮງບັນດານໃຈອີກຄັ້ງ ຫຼັງຈາກໝົດໄຟ ແລະ ເຫນື່ອຍລ້າມາດົນ
ແມ່ນວ່າຈະບໍ່ມີໃຜຮູ້ແນ່ຊັດ ວ່າດາວຈະປ່ຽນຊີວິດຄົນໄດ້ແທ້ຫຼືບໍ່ ແຕ່ສິ່ງໜຶ່ງທີ່ເຫັນໄດ້ຊັດຄື ທຸກຄັ້ງທີ່ມີ “ດາວຍ້າຍໃຫຍ່” ຜູ້ຄົນມັກໃຊ້ຊ່ວງເວລາແບບນີ້ ເປັນເໝືອນແຮງຜັກດັນ ໃນການເລີ່ມຕົ້ນບາງສິ່ງບາງຢ່າງໃນຊີວິດ
ຊ່ວງເວລາທີ່ຫຼາຍຄົນເລີ່ມຫັນມາສົນໃຈເລື່ອງການເງິນຫຼາຍຂຶ້ນ
ອີກໜຶ່ງປະເດັນທີ່ຖືກເວົ້າເຖິງຫຼາຍ ຄືເລື່ອງ “ການເງິນ” ເພາະດາວພະຫັດ ມັກຖືກເຊື່ອມໂຍງກັບໂອກາດ ແລະ ການຂະຫຍາຍຕົວ ແຕ່ສິ່ງສຳຄັນຄື ຕ້ອງລົງມືເຮັດ ບໍ່ແມ່ນພຽງນອນລໍຖ້າໂຊກຊະຕາເຂົ້າມາເອງ ການທີ່ດາວຍ້າຍໄປຢູ່ໃນຕຳແໜ່ງທີ່ດີ ແລະ ມີພະລັງ ກໍເໝືອນຝົນທີ່ຕົກທົ່ວຟ້າ ແຕ່ເຮົາເອງກໍຕ້ອງຮູ້ຈັກກຽມພາຊະນະໄວ້ຮອງນ້ຳຝົນ ຫຼາຍຄົນຈຶ່ງມອງວ່າ ຫຼັງຈາກດາວຍ້າຍ ອາດເປັນຈັງຫວະທີ່ດີໃນການ:
• ວາງແຜນຊີວິດໃໝ່
• ເລີ່ມຕົ້ນທຸລະກິດ
• ລົງທຶນກັບທັກສະໃໝ່
• ມອງຫາລາຍໄດ້ເສີມແບບໃໝ່
ໂດຍສະເພາະໃນຍຸກທີ່ຫຼາຍຄົນເລີ່ມສ້າງລາຍໄດ້ຈາກອອນລາຍ ຄອນເທນຕ໌ ຫຼື ທຸລະກິດສ່ວນຕົວ ກະແສດາວພະຫັດຍ້າຍ ຈຶ່ງກາຍເປັນເໝືອນແຮງກະຕຸ້ນທາງຈິດໃຈ ທີ່ເຮັດໃຫ້ຄົນກ້າລອງສິ່ງໃໝ່ໆຫຼາຍຂຶ້ນ
ເລກມົງຄຸນທີ່ມີອິດທິພົນໃນຊ່ວງດາວພະຫັດຍ້າຍ
ສາຍມູ ແລະ ສາຍຫວຍຈຳນວນບໍ່ນ້ອຍ ເລີ່ມຈັບຕາເລກທີ່ກ່ຽວກັບດາວພະຫັດ ເຊັ່ນ:
• ເລກ 5 ທີ່ແທນດາວພະຫັດ
• ເລກ 31 ຕາມວັນດາວຍ້າຍ
• ເລກ 12 ຕາມຮອບການໂຄຈອນ
• ເລກ 59 ແລະ 95
ເຖິງແມ່ນຈະເປັນຄວາມເຊື່ອສ່ວນບຸກຄົນ ແຕ່ກໍກາຍເປັນອີກໜຶ່ງສີສັນ ທີ່ເຮັດໃຫ້ຊ່ວງດາວຍ້າຍ ໄດ້ຮັບຄວາມສົນໃຈຫຼາຍຂຶ້ນໃນກຸ່ມສາຍມູ ແລະ ສາຍຫວຍ ໂດຍສະເພາະໃນຊ່ວງໃກ້ວັນປະກາດຜົນສະຫຼາກ
ສຸດທ້າຍແລ້ວ ດາວຍ້າຍອາດບໍ່ສຳຄັນ ເທົ່າກັບການເລີ່ມຕົ້ນຂອງຕົວເຮົາເອງ
ເຖິງແມ່ນຫຼາຍຄົນຈະເຝົ້າລໍວ່າ ຫຼັງຈາກດາວພະຫັດຍ້າຍ ຊີວິດຈະປ່ຽນໄປແນວໃດ ແຕ່ໃນຄວາມເປັນຈິງ ການປ່ຽນແປງຈຳເປັນຕ້ອງເລີ່ມຈາກຕົວເຮົາກ່ອນ ເລີ່ມຈາກການປ່ຽນ mindset ແລ້ວຊີວິດຈຶ່ງຈະເລີ່ມປ່ຽນ ບາງຄັ້ງ “ຈັງຫວະຊີວິດໃໝ່” ອາດບໍ່ແມ່ນເລື່ອງເໜືອທຳມະຊາດ ແຕ່ອາດເປັນຊ່ວງເວລາທີ່ເຮົາ:
• ກ້າຕັດສິນໃຈຫຼາຍຂຶ້ນ
• ເປີດຮັບໂອກາດໃໝ່
• ເລີ່ມວາງແຜນຊີວິດຢ່າງຈິງຈັງ
• ກັບມາມີຄວາມຫວັງອີກຄັ້ງ ເໝືອນຊີວິດຖືກປຸກພະລັງນັກສູ້
ແລະ ບໍ່ວ່າທ່ານຈະເຊື່ອເລື່ອງດວງ ຫຼື ບໍ່ກໍຕາມ ການໃຊ້ຊ່ວງເວລານີ້ ເປັນແຮງຜັກດັນໃນການພັດທະນາຕົນເອງ ກໍສາມາດເປັນຈຸດເລີ່ມທີ່ດີ ຂອງການປ່ຽນແປງໃນອະນາຄົດ ຂໍໃຫ້ທຸກການເລີ່ມຕົ້ນ ພາຊີວິດຂອງທ່ານ ໄປສູ່ຄວາມມັ່ງຄັ່ງ ແລະ ຄວາມໝັ້ນຄົງ ໃນອີກບໍ່ກີ່ປີຂ້າງໜ້ານີ້
ຕິດຕາມຂ່າວດາວຍ້າຍ ດວງຊະຕາ ໂຊກລາບການເງິນ ເລກມົງຄຸນ ແລະ ຂ່າວອັບເດດໃໝ່ໆ ໄດ້ທຸກມື້ທີ່ Saihuay.com
